موضوع بسيط جدا وخفيف مفيد للسورا سلاح من خلال تجربه
في البدايه اسلم على الجميع وامسي عليهم بالخير
طبعا يوزري موجود في الوقام لفل 76 شفره بي خوف جي اصبع جي دوامه جي ومكمل على ابطال السحر الى الماستر
في البدايه ما كنت مهتم بالهجوم في يوزري وكان اكثر تركيزي كيف اعوض الدفاع اللي خسرته خصوصا بأني مقرر الدرع ما اقفله ابدا ماستر ثم بي
وانا من النوع اللي ما يحب كلام الاخرين وفتاويهم في السورا لأن كل شخص له وجهة نظر
والحمد لله قادر على اغلب الشخصيات في اللعبه
وبعطيكم لكل شخصيه كيف مبارزتها
وبعض الامور في اللعبه من خلال تجربه
طبعا دايم مبارزاتي ما عمري شغلت الخوف واللي مفعلين الخوف يعرفون السبب لان المهارات ضد شخصيتك تزيد قيمتها عليك بالخوف الخوف مفيد جدا اذا فيه احد يضربك من فوق الحصان او كنت تبارز شخص فوق حصان او متهاوش مع واحد على متين الخوف رائع جدا
طبعا الدرع ماني مقتنع فيه ابد
بسبب حساب بسيط فقط الدرع بي150 نقطه دفاعي وش تسوي 150 نقطه دفاع من مهاره تضربك 8000 ؟؟!! في المبارزات اتكلم
في التطوير ايضا الخوف يغطي على الدرع بشكل كبير لان الخوف بعض الزعماء يضربك حوالي 10 الالف او اكثر او اقل الخوف يتعامل مع قيمه الهجوم ضدك بنسبه 37% تقليل قيمه اذا كان بي
لذلك الخوف فعلته فقط للتطوير والحمد لله حتى الان مثبت جدارته وتم تجربته في الكهف بدون بف بعتاد كهف كلو تمام
نتلكم عن المبارزات كيف تصير مبدع في المبارزات وللمعلوميه فقط لفلي 76 ابارز سورا شفره الى لفل 86 مافيه مشكله
كيف اتغلب على الشخصيات بدون ما اشغل اي وسيله دفاعيه وبعطيك تعاريف بامور في اللعبه
اول شيء فيه شيء اسمه صد هجوم جسدي وفيه شيء اسمه عكس هجوم جسدي
والجميع يخربط بين الشغلتين السابقات
خوذه قرون او ( خوذ لفل 60) صد هجوم جسدي كل مارفعتها ارتفعت النسبه
حذاء فونكس صد هجوم جسدي وكل مارفعته زادة النسبه
حجر الانحراف صد هجوم جسدي وكل مارفعته زادت النسبه
وايضا الترس يوصل فيه الصد الى 15% << هذا الرقم اللي شفته او معايا في عتادي مدري اذا توصل 20% مدري والله
الامور هذي ممتازه جدا في التطوير و المبارزات تريحك من سالفه الجرع الكثير وتكثر ال miss واحيان المحاربين ابو طنين يضربك ما يحرك شيء
نجي لموضوع الدفاع كيف اقدر اعوض دفاعي بالرغم من مهاراتي واهم شيء تعرف تدافع قبل لا تفكر بالهجوم لاني جلست فتره طويله بس دفاعي واذا ضربت احد اصبع او دوامه 1500 << احباط بس كان همي كيف اقلل مهارات الخصم ضدي
الموضوع سهل من خلال العتاد المستخدم
وعلى سبيل المثال
نقول الدرع يجي فيه 15% خنجري 15% سيفي 15% قبضتين او 10 % استيعاب اضرار
طبعا انا احاول اجيب اللي اقدر عليه من الدفاعات اذا ما قدرت اجمعهم وهذا امر مستحيل اكتفي ب 10 % استيعاب اضرار نقاط حياه + اي قيمه حياه
الحذاء نحاول نوفر اي حذاء لو هو +0 ما يفرق بس الاهم فيه دفاع سيفي 15% اذا جبت ال 15% سيفي احاول اجيب حذاء ثاني فيه 15% قبضتين وكذا ممكن تحصل شخصيتك ماركت متنقل من كثر الاحذيه
واحيان تتوفق بالسحر ويصدف معك قبضتين وسيفي او خنجري و سيفي او خنجري و قبضتين انت وحظك
بس الاهم النسبه تكون عاليه في الدفاع 15% ولا ترضى باقل
القلاده نفس الكلام اي قلاده ماتفرق معك
طبعا الحلق الى الان ما تكلمنا فيه وراح اتكلم فيه اخر شيء
طبعا كل الشخصيات حصلنا علاجها بالعتاد المسحور في الحذاء و القلاده و استيعاب الاضرار حتى الشامان ( الدفاع المروحي اوالدفاع الجرسي )
ماعدا السورا الشبح ( السحر الاسود )
السورا الشبح مشكلته مقاومته تاتي فقط في الخوذه و السوار وبصراحه بصعوووبه جدا تجي والدرع اذا كان 9 تشوف فيه 20% مقاومه سحر لذلك السورا الشبح لا يوجد له حل سوا مقاومه السحر متى ما وجدت في عتادك انتهى امره
لأن دايم في المبارزات حافظ على نفسك اطول وقت ممكن ما تموت لين تسدح خصمك
طبعا السوار يفضل يكون فيه 20 مقاومه سحر و 10% تستوعب نقاط الحياه الضرر وهذا ينفعك دايم تكون لابسه مع ال 10 % في درعك صارو 20 مع ترس حسب الشخصيه 20% صارو 40%
الان امنت جانبي الدفاعي باقي الهجومي
في السابق زي ماذكرت كان صحيح محد يقدر ينقص مني شيء كثير بس كنت ما اقدر اسدح احد ضرباتي ضعيفه مع العلم بان مهاراتي عاليه
بداء البحث عن حلول غير سالفه نصف البشر وطبعا الى الان نصف البشر معي 0 ولا فكرت فيه ( بصراحه عجزت اجيبه لا بسحر او بغيره )
بس اكتشفت شيء ثاني يعوضني عن هذا الموضوع
الذكاء
انا مهاراتي موزعه بالشكل التالي
90 حيويه
90 ذكاء
وباقي النقاط في القوه
المناوره 3 نقاط
كنت مره طالع للحداد من المرات في محاوله يأسه اوصل حلق دموع سماء 9
والحمد لله من كثره الطلعات ومن كثر ما تكسر لي حلق دموع سماء 9 قدرت اوصل واحد 9
ماكنت مقتنع فيه لأنه يعطيني بس 14 ذكاء فاقول في نفسي يعني وش بتسوي 14 ذكاء
بس يوم لبسته انطربت
صارت ضرباتي ترجع لوضعها الطبيعي او اكثر وغير هذا نسبه الحواسم ارتفعت زي منتم عارفين نسبه الحواسم ترتفع مع الحلق دموع السماء 9
طمعت بصراحه
ورحت فتحت فيه ثلاث فتحات خامات دموع السماء صار الذكاء 17 في الحلق
مجموع ذكائي الان 107
كنت في السابق اسحر التعويذي ابحث عن 10% نصف بشر وجاني 12 ذكاء
صار الان معي ذكاء 119
والترس حق الاسد من زمان عندي فيه ذكاء 12 << ( لأن سورا وسورا اذا تقابلو مبارزه يغلب الاكثر ذكاء & والاقوى دفاع)
صار مجموع ذكاء الان بترس الاسد 131 << قيمه مو سهله ابدوهذا اقصى شيء يوصل له الذكاء
الان ضربه الاصبع قيمتها كبيره وانا بدون نصف بشر
حتى مره بارزت لي واحد لفل 86
مهاراته شفره بي اصبع جي 7 دوامه بي درع بي
نام ويسالني عن مهاراتي ويوم عرف مهاراتي قالي هاك واضحه او حبال << الى الان ما عمري شفت الحبل مع عتادي ولا ادري كيف يستخدم الحبل مدري هو يركب مكان سحر كارما ولا يجرع ولا وش يسوى به
المهم يا رواد السورا خصوصا الشفره تجيكم مرحله ياس من شخصيتكم ان مابها خير وانا وصلت الى مرحله كرهت فيه السورا شفره
بس السورا شفره من الشخصيات اللي تتعب عليها كثييييير كثييير متى ما تعبت عليها راح تنطرب
نجي للمبارزات الان
المحارب الجسدي اسهل شخصيه في اللعبه حتى الان لانه من قبل يجيك لازم يلبس سيف او قبضتين عشان يشغل الهاله وانت من تشوفه شغل الهاله شوف وش لابس وسريع حذاء وسوار وترس ووقف
يضربك بالهاله بي كان الهاله 4 نقاط وليست بي
ومايحتاج ترسل عليه ابطال سحر بس ثبت عليه الشفره المسحوره حتى لو معه دفاع سيفي الشفره المسحوره اذا ارتفع ذكائك ممكن توصل ضربتك الوحده 1000 او حسب ما سمعت 1500 ما يأثر فيها السيفي ابد
والشفره المسحور يأثر فيها شيء واحد ماراح اقوله لأني شفره مسحوره
طبعا اذا كان ملغم الخصم سيفي تلاحظ ان اصبعك عليه 3000 او 2900 لذلك لا تتعب نفسك وتضربه اصبع اجرع خضراء وثبت التماتيك عليه وخلي الكميوتر يبارزه وحاول تحسب الارقام اللي اخذتها منه عشان تشوف حياته كيف تنقص
المحارب الذهني مشكله ومتعب شوي لأنه يقدر يغير سلاحه بسرعه ومايحتاج ينتظر شيء ( عكس الجسدي ينتظر لين تخلص هالته عشان يبدل سلاحه)
بس برضو المحارب الذهني ميزته الوحيده انه ما يطيح اذا شغل الجسم لذلك خل الجسم نقطه في صالحك ولا تطفيه يصير نقطه ضدك
بمعنى لو تضربه بالشفره الى بكره كانك تضرب متين مستحيل يتحرك وهذا افضل شيء والدفاع اللي يعطيه الجسم 300 << ولا شيء حسب ماسمعت 300 والله مدري يمكن اكثر او اقل
النينجا السهل الصعب عتاد خنجري وامره سهل بس مشكلته دفاعه قوي شوي ف تطولون معه شوي
الشامان كما سبق مروحي وجرسي ( بس حرام تضرب شمون )
نجي للمجنون السورا سحر اسود
طبعا السورا سحر اسود لا تفكر تهاجمه لين تطفي حمايته
اذا ما طفيت حمايته انحش <<
اذا طفيت حمايته بتنبسط عليه وتفلها احلى شخصيه في المبارزه بس طف حمايته وشوف وش يسوي بعضهم يرتبك اذا طفت حمايته لأنه يشوف دمه ينزل بشكل كبير فيضيع المهارات زي ما حصلت بواحد بدون ذكر اسماء
السورا الشفره يغلب الاكثر ذكاء زي ماذكرت سابقا وفيه شيء ثاني يستخدم مع السورا الشفره يخلي الشفره ما تاثر فيك
طبعا اغلب السورا الشفره اللي اشوفهم في الوقام يعتمدون على مهاراتهم محد يضرب بالشفره واستغربت من الشيء هذا شكلهم ما انتبهو للشفره كم تنقص او فيه شيء مع ان الشفره تنقص اكثر من المهارات
يعني احسبها ببساطه جرعه خضراء وشفره مسحوره كم تضرب ضربه خلال ثانيه ؟! باختصار نفس الشبح الشبح يضربك خلال الثانيه ضربه ياخذ منك 3000 << الشفره مثله او يمكن اكثر حسب اللي قدامك
يتبع
السبت يوليو 07, 2012 5:31 pm